Tuesday October 27, 2020  |    | 

५ हजारभन्दा बढी प्रहरी जवानका लागि दर्खास्त आह्‍वान

Samana prasai - 2020 Oct 16 04:01 PM
IMG

नेपाल प्रहरीले ५ हजार २२७ जनाको दरबन्दीका लागि दरखास्त आह्‍वान गरेको छ । प्रहरी जवान पदका लागि विज्ञापन निकालेर खुला प्रतियोगिताद्वारा समावेशी प्रावधानअनुसार दरखास्त आह्‍वान गरिएको हो ।

जसमध्ये खुलातर्फ २ हजार ८१७ कोटा र बाँकी समावेशीतर्फ छ ।

कात्तिक १६ देखि मंसिर २३ गतेभित्र इच्छुक नेपाली नागरिकले फाराम भरिसक्नुपर्ने प्रहरी प्रधान कार्यालयले प्रकाशन गरेको सूचनामा उल्लेख छ । आवेदन ७७ वटै जिल्ला प्रहरी कार्यालयबाट दिन सकिनेछ ।

कक्षा आठ वा सोसरह पास गरेकाले फाराम भर्न पाउने सूचनामा उल्लेख छ । १८ वर्ष पूरा भई २३ वर्ष ननाघेको व्यक्तिले दरखास्त दिन सक्ने प्रहरी प्रधान कार्यालयले जनाएको छ ।

कमेन्ट गर्नुहोस्